港聞

【Emily Online】林鄭今晚8時FB LIVE 勁吸近五百個留言提問 (18:26)

特首林鄭月娥今晚8點做Facebook Live,話希望親自聽吓大家對施政報告嘅意見,至今已有逾450留言,包括新同盟立法會議員范國威問,特首何時制訂整全人口政策?取回單程證審批權?削減單程證配額?Emily睇過下啲留言,單程證的確有唔少人關心,填海、房屋同港鐵等亦都係網民熱選。

林鄭8點開live 譚凱邦預告踩場問FCC事件

林鄭月娥今晚嘅Facebook Live約半小時,佢早已提醒唔得閒嘅網民可以先留言發問,佢會抽取當中部分回應。

觀乎唔同嘅留言,其中一個熱點係單程證,有人留言話,希望特首能夠以增加本地出生率,而唔係以單程證輸入外來人口,嚟增加本地人口。唔少人都希望特區政府可以取回主導權,自己選擇咩人先可以嚟香港。有人就表明支持填海,但亦建議「適度」削減單程證名額,解決土地供應要「開源」同「節流並重」。

另外,也有土生土長嘅年青人覺得,香港好似沒有長遠發展方向。佢話自己已經透過幾個途徑發表意見,包括之前嘅青年自薦委員會,同埋林鄭競選時嘅候任特首網頁,但最失望係佢Inbox相關Facebook,一個星期都冇人睇過佢嘅留言咁話。

其他報道:【短片】4歲女童疑自行衝出馬路 清水灣道遭私家車撞斃

其他報道:【政府請人】一帶一路專員月薪26萬 須擁15年高層行政管理經驗

其他報道:精神分裂男子認刀刺休班警 判6個月醫院令

相關字詞﹕林鄭月娥 施政報告 單程證 編輯推介

上 / 下一篇新聞