港聞

下一篇
上一篇

【Emily Online】劉佩瓊批劉曉波「一塌糊塗」 斥乏基礎知識卻得諾貝爾獎 (14:15)

前港區人大代表劉佩瓊今日喺書展出席新書分享會時,被與會者問到點樣讀中國歷史,佢突然批評已故諾貝爾和平獎得主、《零八憲章》發起人劉曉波對國家歷史冇基礎知識,批評「劉曉波寫嘅嘢一塌糊塗,又要聯邦制、一人一票選舉,14億人點樣一人一票選到一個人出來呢?冇可能」。佢又話自秦始皇以來,已經攞到春秋戰國嘅教訓,國家一定要統一。佢話,中國各地貧富不均,如果國家唔理,有錢地方繼續有錢,窮嘅地方繼續窮,聯邦制會出現戰爭禍害,冇可能和平。

劉佩瓊話,而家國家財政由中央政府集權,通過有錢嘅地方賺錢,幫窮嘅地方,建高鐵都係由國家出錢,有咗交通基建,解決地方發展不均嘅問題,「8級地震復原都好過美國,就因為有好嘅政府制度」。

佢最後再批評劉曉波「讀少少美國嘢、西方嘢,話中國要咁做,仲要國際人士逼中國咁做,乜嘢叫愛國呀?冇基礎知識,然後指下指下,就攞諾貝爾和平獎,真係太荒謬」。佢又話,讀歷史就知點解國家領導人提出「四個自信」,國家將來發展,要回顧歷史得失,要取捨和改善先令到國家同大家享受到和平、富強。

其他報道:北角女生遭專線小巴撞倒困車底

其他報道:母認波鞋打5歲女 辯方稱女童疑患過度活躍 致被告失控盼判感化 

其他報道:澳門學生澳博員工上國情班 課程涵蓋太平天國習思想

相關字詞﹕劉佩瓊 諾貝爾和平獎 劉曉波 編輯推介

上 / 下一篇新聞