警方打擊違例泊車有時會遇到車主求情，嚴厲執法票控違例泊車人士卻無可厚非。網上流傳片段，有警員抄牌時，車主拍下過程。警員斥車主違法在先，質疑車主違泊還「聲大夾惡」。網民普遍讚揚警員執法有理。
有網民將上載片段到facebook「馬路的事討論區」專頁，未有交代日期和地點。只見一名警員面對相信是車主的電話，任由對方拍攝：「鍾意周圍泊新填地街吖嘛？違法位當自己合法呀？係咪呀？係咪要問過你先可以抄牌呀？吓？差人做嘢係咪要問過你先可以抄牌呀？你自己擺違法位聲大夾惡？你而家影好啲呀，記得擺上網呀，知唔知呀？」
網民大讚警員冷靜處理：「差人做得啱呀，架車違規抄牌好正常呀」、「一個人如果正氣，處事又公正，真係講句嘢都零舍淡定嘅。阿Sir繼續努力！」亦有人批評車主惡人先告狀：「抄牌無問題，挑釁先係問題」、「泊街預左抄架啦，仲拍片博同情就唔洗俾320咩」、「車主面皮十尺厚。」
警隊回覆本報查詢，確認今早上午11點45分左右，曾經在旺角新填地街執法，發出4張違例泊車定額罰款通知書。警方重申，警員根據法例及既定程序執行職務，希望市民能理解和配合。