港聞

下一篇
上一篇

【Emily Online】繼續奉行28度以上先開冷氣 黃錦星再SHOW屋企電費單 (10:56)

環境局長黃錦星今朝出席港台節目講電費。局長一開波就拎咗自己屋企最新一期電費單出嚟,話屋企用咗差唔多190度電,電費141蚊,仲係因為近排熱,所以開多咗冷氣先會係呢個數,局長又提到香港一般家庭平均每月用275度電;咁計起上嚟,局長真係好慳電喎。

其實黃錦星都唔係第一次喺傳媒公開自己屋企嘅電費情況。局長今早就話,噚日收到6月初至7月初嘅電費單,屋企用咗差唔多190度電,要畀141蚊電費,比之前每月100蚊左右嘅電費多少少,因為夏天夜晚有時會開冷氣瞓覺。不過唔好以為局長開冷氣唔環保,局長話佢屋企規定攝氏28度以上,夜晚先開得冷氣㗎。

黃錦星又話,屋企呢期電費本來實質要交180蚊左右,但因為有兩個特別回扣,燃料費減咗約30蚊,地租差餉就減咗7、8蚊,總共減咗差唔多40蚊;如果出年加電費,同一樣用電量可能要畀150蚊,咁樣都仍然比實質要交180蚊平咗幾十蚊。

其他報道:【九巴插針】昨一日兩宗 涉及34號及31B九巴 皆無人傷

其他報道:九巴34號線發現鐵針 10日內第11宗

其他報道:5款內地製血壓心臟藥含或致癌雜質需回收 2款供應予醫管局 公院3萬病人受影響

相關字詞﹕黃錦星 環境局 電費 編輯推介

上 / 下一篇新聞