港聞

下一篇
上一篇

【網上熱話】商場要求「試鐘」免費表演 樂手:返工試用期都有糧出啦 (17:56)

樂手何價?有商場要求表演者免費試玩,才決定將來有無合作機會,引起一眾同行慨嘆,指以試玩、給予表演及曝光機會來騙音樂人做義工的情況普遍。

其他報道:【網上熱話】大雨送孫返學被取走Minions傘 同款傘重現遮架

社交網站fb「樂活道」專頁上載一張WhatsApp對話截圖,商場一方表示:「睇吓你哋表演者可唔可以免費來唱一場,如果反應好,我哋之後會再搵佢哋合作」,不過被樂手斷言拒絕:「依家試鐘啊?返工試用期都有糧出,要免費唱一場再作決定,實在難以接受。」

「樂活道」補充道:「某大商場要求表演者免費『試玩』一晚,合共兩Set表演(意指兩節,每節45分鐘)先決定未來有冇合作機會,點解音樂表演者就要玩『試鐘』,仲要玩足90分鐘!如果搵到十個八個義工『試玩』,(商場)一季演出費即可袋袋平安。」

有入行近30年的網民留言,「見唔少新晉樂手因為為攞個經驗心態畀人搵笨不知幾多、基本上係從中畀人食埋佢嚿水、呢一行大把古惑招、依家要成名出名唔使一定靠呢啲平台演出、依家網絡世界發達例如上YouTube已經大把人做到可以出名,都係嗰句,唔好畀人搵笨。」

另外,有網民認為與樂手低價「頂爛市」有關,「其實係惡性循環,好似有好多新晉樂手收賤價都去接一啲Show,所謂當攞經驗冇所謂心態、導致D老闆久而久之愈畀愈賤,依家已經去到試鐘,真悲哀。」

亦有樂手分享個人經驗,「我都有最近話冇錢叫我去機場唱𠻹,又話多名人,話行程好緊密,淨係可以攝到十五分鐘比我唱。我同佢講:『如果咁密就唔好預我,機場來回都三粒鐘啦!你叫我唱三個字』,有個都搞笑,話叫我幫佢哋寵物嘉年華唱歌,話冇錢但送返個寵物店會籍畀我,以後買嘢會有折!痴孖根,唔止冇錢比你表演,係你嚟表演完,仲要賺你錢!」

「樂活道」接受《明報》記者查詢,指當事人並無向商場妥協,並透露樂手市價因應場地而定,例如酒吧有樂隊可full band可能每節有2000至3000元,每位成員每45分鐘可有500至600元收入,一晚隨時可能會有3節表演,叫價較硬;但商場主要以Busking街頭表演方式演出,叫價較軟,而以試玩、給予表演機會來騙音樂人做義工的情況近年相當普遍。

其他報道:【沙中線工程問題】遭員工追糧 中科稱本月內解決 指遭人抹黑「尋釁滋事」

其他報道:雙程證漢涉擅取貨車撞塌石屋 與屋內男子送院後均不治

其他報道:警圍毆明報記者 投訴課列無法追查 監警會主席拒評論

其他報道:疑因趕時間上學着衫慢 5歲女遭波鞋打面踢肚 母親認虐兒罪

相關字詞﹕商場表演 樂手 音樂人 樂活道 網上熱話

上 / 下一篇新聞