港聞

下一篇
上一篇

【Emily Online】環境局新聞秘書兒子成IB狀元    同馬拉拉一樣選讀牛津「神科」 (17:11)

國際文憑大學預科課程(IB)噚晚公布結果,全球考獲45分滿分嘅狀元數目減少,但香港狀元人數不減反增,喺總數186人中佔上38名,較去年多咗5名。其中聖保羅男女就有1男4女做咗狀元,為蔡頌恩、梁凱思、潘聞韶、陳樂澄同鄭倚心,當中潘聞韶仲正正係環境局新聞秘書嘅愛兒,恭喜恭喜。

全球186名IB狀元 港生佔兩成

環境局新聞秘書Elaine話,佢仔仔潘聞韶由小學至中學一直讀聖保羅男女,喺學校有攞到獎學金,加上去年學校為學生做成績預測,當時已估計個仔係會取得滿分,因此佢地又唔係好意外,但一家三口當然好感恩啦。可能個仔日日見媽媽喺政府工作、不停拆彈,兩年前佢已下定決心要入牛津讀人稱「神科」嘅哲學、政治學及經濟學系(PPE),今日佢IB做咗狀元,所以一定如願可以入讀。

呢個課程內容由三個學科組成,唔少政界名人都有修讀,包括前英國首相卡梅倫、前澳洲總理東尼‧艾伯特等等,仲有諾貝爾獎最年輕得主馬拉拉添,認真唔嘢小呀。

聖保羅男女表示,今年佢地學生考IB嘅平均分數為41分,63個學生中,5人蔡頌恩、梁凱思、潘聞韶、陳樂澄同鄭倚心取得45分滿分,10人取得44分;他們獲包括英國劍橋、牛津、倫敦大學帝國學院、倫敦政治經濟學院同倫敦大學學院;美國康奈爾、哈佛、賓夕凡尼亞等長春藤大學,以及加州大學柏克萊分校同洛杉磯分校等收錄。

其他報道:德萃新校未批 先收百人萬元教局:不應該 德萃:若未能開辦轉大埔上課

其他報道:立會特權法查沙中線 料下周可議 政府游說否決 或周三前公布獨立調查詳情

相關字詞﹕聖保羅男女 聖保羅男女中學 蔡頌恩 梁凱思 潘聞韶 陳樂澄 鄭倚心 編輯推介

上 / 下一篇新聞