港聞

【Emily Online】茂波拉隊齊發片講香港經濟 邱騰華無咗影 楊偉雄搵徐立之做「大茄」 (20:00)

林鄭月娥班子上任一周年,今日輪到財政司長陳茂波同一眾財經官員分別發片,講下香港經濟有幾威水,以及過去一年政府推咗咩政策。陳茂波條片有逾3分鐘,大數過去一年香港經濟狀況,最過癮係商務及經濟發展局長邱騰華,佢條片叫「迎商」長約2分鐘,成條片局長沒有出現,主要用香港城市面貌再配以字幕,講下香港本地生產總值、貿易總額等等,又數下相關嘅政策措施,話香港可以更好!

Emily睇咗幾條片,財政司長陳茂波嘅演繹方法最傳統,佢一個人撐到尾。邱騰華可能自信滿滿,條片索性講嘢都慳番,用文字加數字交代政策同成績。

至於創科局長楊偉雄就搵咗港科院創院院長徐立之做「大茄」,兩人透過對話講下香港創科政策,局長又周圍搵持分者傾下偈咁,都大致自然,問題係條片無字幕,睇片要辛苦啲。

至於財經事務及庫務局長劉怡翔條片都有啲心思,佢借咗港交所做場景,講下債券通開通、同股不同權嘅安排等等。有心睇晒4條片嘅,肯定對香港經濟有更深入嘅了解。

其他報道:【Emily Online】林鄭話答英文問題嘥時間 下午補鑊稱今後續三語回應提問

其他報道:兩電10月及明年起分別加價2%及6.8% 政府擬未來5年每戶月派50元

其他報道:港大:林鄭民望淨值跌5百分點 港人最關心民生 政治包尾

相關字詞﹕七一 林鄭 陳茂波 楊偉雄 邱騰華 劉怡翔 編輯推介

上 / 下一篇新聞