港聞

下一篇
上一篇

【Emily Online】林鄭話答英文問題嘥時間 下午補鑊稱今後續三語回應提問 (18:55)

特首林鄭月娥今朝出席行政會議前接受記者提問,有位記者以英語向提問,林太就突然提議要喺答問環節設即時傳譯,等佢唔使再用英文複述答案嘥時間(waste time)。林太言論惹起爭議,特首辦下晝就疑為林太補鑊解畫,話未來見記者安排唔會變,林太「向來會以記者提問時所用的語言(廣東話、普通話或英語)回應,未來亦會繼續這樣做」。

其他報道:【短片:Emily Online】大灣區主題曲《共同家園》推出 26歌手話「推開心窗世界更大」

林太今朝出席行會前回應記者提問,港台記者以英文提問有關土地政策問題。林太話自己已經用廣東話回答同樣問題,佢最後都有用英文回答,但就話新聞處要考慮安排即時傳譯,以免浪費時間重複回答:「the Director of Information Services may consider a better arrangement so that we don't need to waste time.」

事件在網上引起討論。香港記者協會對林鄭月娥對英語提問嘅回應表示極度遺憾。記協指香港作為國際城市,英文傳媒和英語報道,係畀國際社會了解香港情況嘅重要媒介,英語亦係香港法定語言,行政長官「對英語提問的輕蔑態度」令人無法接受。記協話留意到特首辦隨後澄清,指行政長官希望可以回答記者更多問題,強調中問中答、英問英答嘅安排不會改變。

特首辦回應查詢時就話,未有計劃改變林太見記者嘅安排,即係繼續以廣東話、普通話或英語回應提問,未有計劃用即時傳譯。特首辦又話,行政長官今朝早所指嘅情況,係唔同記者以唔同語言提出同一問題,因而令時間未能用於回應其他傳媒關注嘅問題,特別係行政會議前嘅會見傳媒環節,相對記者會而言時間較短,而且記者可能希望就多個不同議題提問。

其他報道:港大:林鄭民望淨值跌5百分點 港人最關心民生 政治包尾

其他報道:港大:逾半港人撐同性婚姻 近七成贊成性傾向歧視立法 

相關字詞﹕林鄭月娥 新聞處 即時傳譯 英文 特首辦 記協 編輯推介

上 / 下一篇新聞