港聞

下一篇
上一篇

【短片:Emily Online】大灣區主題曲《共同家園》推出 26歌手話「推開心窗世界更大」 (17:10)

主管港澳事務嘅國務院副總理韓正,上星期喺北京分別接見特首林鄭月娥,同埋香港各界青少年活動委員會訪問團,其間都提到同粵港澳大灣區議題。「粵港澳大灣區青年共同家園籌備委員會」原來喺前日(1日)推出咗大灣區主題曲《共同家園》,搵嚟26個歌手,同埋青少年同兒童合唱團主唱。

其他報道:答完中文再答英文 林鄭指要設即時傳譯免「waste time」

香港政府上年趁特區成立20周年,搵咗10個歌手合唱主題曲《香港‧我家》;今次有份唱大灣區主題曲《共同家園》嘅歌手數目,多咗差唔多兩倍,除咗有份唱《香港‧我家》嘅李克勤、林欣彤之外,仲有譚詠麟、呂方、盧冠廷、容祖兒、林峯,同埋Rapper MC Jin(歐陽靖)、來自內地嘅女歌手袁婭維等等。兩首歌嘅填詞人,就同樣都係向雪懷。

Emily上網聽過首歌,過咗前奏之後,「校長」譚詠麟就以「震懾人心」嘅聲音唱出第一句廣東話歌詞「推開心窗的世界更大」,之後嘅歌詞唔止有齊粵英普三語,仲連Rap都有埋,叫大家「設計自己的家園」、「一起牽手追尋一個夢」等等。啲歌詞聽落好似幾正面,但有網民就唔多滿意首歌成日講「推開心窗」:「成日推窗,叫人墮樓咩!」

長約3分半鐘嘅MV,以一個玩緊滾軸溜冰嘅女仔串連,佢經過政府總部、紅館同埋大灣區唔同地方。片入面仲見到一班歌手唱歌嘅陶醉樣,連無綫高層樂易玲都出現咗幾秒,片段最尾仲寫明「特別鳴謝」樂易玲同曾志偉。

其他報道:【新政府一年】青年民建聯評林鄭青年政策「熱誠可嘉」

其他報道:港商反映一帶一路沿線國家貪污猖獗 白韞六:廉署度身訂造反貪培訓

相關字詞﹕大灣區 共同家園 李克勤 林欣彤 譚詠麟 容祖兒 林峯 向雪懷 樂易玲 編輯推介

上 / 下一篇新聞