港聞

下一篇
上一篇

【Emily Online:六四29年】學聯籌款僅8000元 重申基金用以支援抗爭者 (22:47)

噚日係六四29周年,各大泛民政黨同民間團體一如既往喺銅鑼灣同天后一帶擺街站籌款。今年民主派政黨嘅「吸金」能力唔錯,至少都有六位數字。不過,拒絕出席支聯會六四燭光晚會嘅學聯,喺場外開檔為「抗爭者支援基金」籌款,就只係籌到8000多元,遠低於其他團體。有唔少人批評學聯抽水,但學聯重申為基金籌款並非為私利,而係支援抗爭者。

學聯喺場外籌款引嚟唔少批評,因為佢唔去晚會,但就門口籌錢。支聯會秘書李卓人喺商台《在晴朗的一天出發》上話,尊重任何團體籌款,又期望香港人團結。佢話雖然與學聯喺建設民主方面有分歧,但「(學聯)今次幫抗爭者,(我)唔覺得作為大會有意見」。

李卓人話,噚晚支聯會籌到148萬元,比上年多7萬元,扣除舉辦集會開支等,可以撥50萬元到六四紀念館,惟「以900萬(新館首期)作目標,差百多萬元」。

另一邊廂,被市民誤會「逃獄」去擺街站嘅社民連主席吳文遠透露,今年社記籌到32萬元,比去年大增13萬元。吳文遠話市民反應踴躍,可能係因為過去一年社民連面對好多打壓,好多成員先後入獄,所以多咗市民捐錢,「幫我頂住」。香港眾志亦籌到33萬元,比去年大升15萬元。

六四29年相關新聞:

支聯會常委梁耀忠缺席集會 稱航班延遲未及趕至

【多圖+短片】續呼「結束一黨專政」 支聯會估計11.5萬人晚會悼念

【短片】中五生:不希望有大專生稱不出席令晚會消失 坐輪椅88歲漢堅持出席

德國駐港領事fb倒數世界盃 帖文配圖見球迷手持燭光

相關字詞﹕學聯 抗爭者支援基金

上 / 下一篇新聞