港聞

下一篇
上一篇

【Emily Online】港大醫學教授推人體藝術影集 人體壁膜似森林 (19:21)

解剖學往往予人神秘之感,香港大學生物醫學院副教授陳立基與攝影師陳的聯手,推出攝影集《探》。攝影集封面照片看似森林,實質係人體腹前壁後膜;被稱為「時間之骨」嘅顳骨,喺陳的嘅鏡頭下化身穿梭時空嘅太空船。「世界睇到嘅嘢,喺人體都睇到」,陳的以藝術手法呈現人體,帶領讀者探索人體每一個「景點」嘅奧秘。

陳立基本身係骨科專科醫生,佢覺得人體結構「好靚」,後來決心踏上解剖學之路。陳立基多年前已經有拍攝人體標本嘅念頭,透過朋友認識陳的,二人一拍即合,構思出版攝影集。

陳立基習慣用以正前面、正側面等視覺睇標本,「最難抛下幾十年嘅科學角度看人體,無咁容易欣賞人體漂亮嘅地方」。當學者遇上攝影師、設計師,立即擦出火花。

攝影集封面照係腹前壁後膜標本,設計師蔡劍虹就將相片90度角調轉,效果就好似一片森林;位於兩鬢附近嘅顳骨被譽為「時間之骨」,陳的將顳骨想像為一艘飛翔中嘅太空船,象徵時間流逝,年長就變得兩鬢斑白;盤骨作為順產嬰兒嘅「必經之路」,陳的就將盤骨拍攝成即將迸發嘅火山口形態,有如萬物之源。

陳的用咗6日拍攝標本,佢又話一開始好驚,拍攝前仲失眠咗成個月,直至「埋枱」一刻都係唔知要點同曾經有血有肉嘅標本「溝通」,「梁朝偉喺電影《重慶森林》都同番梘、毛巾傾偈」,直至呢刻,陳的都係無答案,每一張相片正正反映佢當刻嘅情緒,等待讀者去探索。

其他報道:本地薑與港大研發被動式LED路燈 獲日內瓦國際發明獎

其他報道:【網上熱話】初中中史書辯「岳飛是否民族英雄」 反方:女真族是中華民族一分子

其他報道:【短片:六四29年】眾志街訪:中學生不識「坦克人」 有人稱當年北京手法OK

相關字詞﹕港聞 解剖學 攝影集 陳立基 陳的 編輯推介

上 / 下一篇新聞