港聞

下一篇
上一篇

【Emily Online】黃國健斥泛民抽水:馬逢國最大嘅錯處係咁嘅髮量都帶髮gel (22:12)

立法會體育、演藝、文化及出版界議員馬逢國,之前帶超出規定容量嘅髮型造型啫喱登機,其間跟機場保安的對話遭質疑以議員身分「撻朵」,成為城中熱話。公民黨立法會議員譚文豪去信立法會內務委員會,要求就事件休會辯論,建制派最終否決譚文豪(Jeremy)嘅動議。泛民同建制派爭論時,一度將焦點轉移到馬逢國嘅髮量。工聯會議員黃國健(KK)批評泛民,提出休會辯論只係「抽水動作」,不過,KK好認真咁講「馬逢國最大嘅錯處係,你嘅頭髮咁嘅量,竟然仲堅持帶個髮gel,係無咩必要。」

譚文豪開場白時話「法治重要定係髮gel重要?」亦明言文件中無提到馬逢國嘅名,提出休會辯論唔係針對一個人,而係關注議員唔可以濫用權力,避免香港愈嚟愈禮崩樂壞。馬逢國喺會上再次向受影響嘅保安人員同公眾致歉,又話自己當日喺言語間提及議員身份,以及機管局行政總裁林天福嘅名,係有不恰當之處。

雙方陣營嘅議員辯論時,不忘提及馬逢國嘅髮量。公民黨郭榮鏗(Dennis)話,事件唔係一個人有無頭髮嘅問題,而係有無品(格)嘅問題。Dennis仲話,黨友楊岳橋從來唔用髮gel,所以頭髮keep得咁好。

建制派議員就普遍認為,既然馬逢國已經道歉,就唔需要再休會辯論,批評泛民濫用休會辯論。KK亦批評泛民抽水,但唔知有意定無意,KK竟然話馬逢國最大錯處係咁嘅髮量,都堅持帶髮gel。唔少議員聞言都起哄大笑,連正在主持會議嘅民建聯李慧琼都笑埋一份。

其他報道:九巴關愛座飛脫 1人受傷

其他報道:酷熱天氣警告持續348小時終取消 天文台提醒市民留意兩低壓區發展

其他報道:植入廣告推銷Big Big Channel遭罰30萬 無綫指部分鏡頭表達自然

相關字詞﹕黃國健 馬逢國 郭榮鏗 髮gel 楊岳橋 編輯推介

上 / 下一篇新聞