港聞

指外傭假日聚集影響衛生 容海恩:有人有這感覺不出奇 (11:20)

新民黨立法會議員容海恩早前在立法會稱外傭假日在公眾地方席地而坐、進餐及睡覺,影響公眾地方環境衛生。容海恩今早在港台節目解釋,很多外傭離去前會帶走垃圾,「但係有無一啲無包到(垃圾)嘅呢?自己睇返自己個區,自己有自己諗法。我自己住香港區,當然唔係條條街都有問題。但如果住喺旺角、中環或者其他地方,有一啲(居民)有咁嘅感覺,唔出奇囉」。

有外傭團體昨日遊行,要求容海恩為言論道歉,並交請願信。容海恩在場時以英文向代表稱,其言論無意歧視外傭,但如對方感到傷害,則感到「抱歉」(really sorry)。

港台節目主持人今追問容海恩會否致歉,容海恩只重申:「如果佢哋覺得我講嘅言論,令到佢哋有一個唔尊重嘅地方,我覺得係唔好意思嘅。呢個係我向佢哋表達嘅意見,中英都係咁嘅意思架喇。」

容海恩指出,她與外傭團體是同一口徑,要求政府提供更多適當地方讓外傭使用、聚腳:「各人角度同焦點放咗喺唔同地方囉,提到佢哋坐喺天橋,就話係歧視。呢個我絕對唔認同,我絕對係無咁嘅意思。我覺得佢哋係值得一個好啲嘅地方去坐囉。」

其他報道:馬時亨:高鐵試運出問題好正常 不可樣樣開誠布公

其他報道:「我哋話你聽OK就得」一語捱轟 馬時亨笑住解畫:可能天口熱、無祈禱

其他報道:為貧苦大眾? 劉夢熊批陳婉嫻美化六七暴動 指與中央歷史決議唱反調

相關字詞﹕容海恩 外傭 編輯推介

上 / 下一篇新聞