港聞

【Emily Online】佐丹奴新Tee釀關公災難 男人要「Work」女人要「Cook」  (21:43)

服裝品牌GIORDANO(佐丹奴)本月中推出「Team Family-珍惜家常便樂」系列,結果搞出關公災難。系列嘅男裝T恤印咗「Work(工作)」、女裝T恤上則印上「Cook(煮食)」,被網民批評係性別歧視,搞到要換廣告。

Emily星期四(24日)去過佐丹奴香港站分店睇過,淨係見到同系列嘅童裝,T恤印上「Play(玩)」及「Cry(哭)」。店員話從未見過「Work」同「Cook」兩件衫。

唔少網民為咗個系列喺佐丹奴facebook批評,仲有人借佐丹奴嘅宣傳口號諷刺佢哋,留言話「GIORDANO means sexism」。

佐丹奴喺facebook回應稱,系列原設計理念係宣揚讚美家庭和諧,同意產品可有更好表達方法,認為性別歧視不應存在於佐丹奴或現今社會,重申佐丹奴一向認同並宣揚對家庭多元化,從不有意宣傳任何性別偏見或歧視,對事件致歉,承諾會更換廣告。

其他報道:【佔旺案庭上拍攝】中鐵建:女事主從來不是員工

其他報道:【網上熱話】紅磡站附近路牌用簡體字 港鐵認負責管理 稱會安排更換

其他報道:馬逢國獲准攜違規髮型啫喱上機 機場保安公司:已展開紀律調查

相關字詞﹕佐丹奴 關公災難 性別歧視 編輯推介

上 / 下一篇新聞