港聞

下一篇
上一篇

【Emily Online:一地兩檢】何君堯直播被指違規 閃燈做鬼臉回敬 邊攝泛民示威邊謔「飯桶」 (22:59)

立法會一地兩檢條例草案委員會星期一(7日)完成審議,會議期間多次出現混亂場面。其中喺表決緊泛民提出嗰30條修正案時,一邊廂泛民企晒起身舉牌示威,大嗌「割地兩檢違憲」,另一邊廂,建制派何君堯就喺會議室內舉起手機做facebook live直擊會議情況,影住泛民示威,話泛民喺度擾亂秩序係「飯桶」。

相關報道:【一地兩檢】不打鐘即表決 半小時否決數十修正案 6月6日大會審議

民主派議員之後發現何君堯嘅舉動,向主席葉劉淑儀投訴何違反《議事規則》,何君堯仲加埋閃光燈拍攝,舉埋隻手做鬼臉。

人民力量陳志全於是走去何君堯度,指摘佢違反議事規則,嘗試用手遮住何君堯部手機。葉太命令何君堯停止攝錄,何君堯個live先停咗、收起手機,但就繼續喺位度話泛民係「白癡」。

何君堯平時都鍾意做fb live同自拍,前年試過喺fb上載一張喺高等法院內影嘅相,被指知法犯法,最後經警方調查後,佢冇被檢控。

相關報道:

4修正合併1項表決惹爭議 葉劉:陳志全都無反對!

半小時表決數十修正案 葉劉:以一個議員智慧,按鈕是數秒可做到

陳帆:非常重視法治 完成立法後才可讓內地人員來港演練

相關字詞﹕一地兩檢 議事規則 何君堯 編輯推介

上 / 下一篇新聞