港聞

【高鐵】馬時亨:部分車票或無法在港購買 料大型行李不能登車 (14:10)

高鐵香港段預期9月通車,港鐵主席馬時亨出席商台節目表示,雖然有信心港鐵同事會將高鐵項目做到最好,但仍要做「少少期望管理」,在通車初期遭受批評。他指出,由於內地與香港購票制度不一樣,未必能夠在香港購買部分目的地車票,要在廣州南站轉車時再購買,「到時肯定有啲人話唔方便」。

馬時亨表示,高鐵通車是香港首次與內地接軌,已準備屆時有不少事情會遭受批評,例如買票問題。他解釋,香港制度與內地可能不同,「你喺香港買張飛,想喺廣州南站轉車,因為有啲線我哋未必去到,喺廣州南站轉車未必可以喺香港買到嗰張飛,就要去到南站先買到」。

馬時亨補充,他不是掌握到100%資料,因此在通車後,乘客亦有可能能夠在香港利用網上實名登記購票。他說:「香港人我哋好心急架嘛,我哋追求完美架嘛,如果有少少地方唔合佢哋意,可能就會話咁樣唔啱喎,咁樣唔好喎,我只係作啲期望管理啫,就唔係話好大件事嘅。」他表示,有關問題暫時仍在處理。

他指出,通車後,可能有市民和傳媒指「咁樣唔方便喎」,因此要先作期望管理,「一間新餐廳開張,個廚房都未必100%順暢喇」。他強調,唯一確定的是安全,安全問題不能妥協。

馬時亨在節目後回應記者提問指,上述問題的主因是兩地購票系統有異,預計九月通車時亦未能解決。他又提到,高鐵與飛機不同,「高鐵內籠始終好細,所以將來有可能有乘客覺得『點解我個大行李唔可以攞上去架,有限制架?』開咗車之後,乘客開始好多方面就會習慣架喇。」

其他報道:【短片:國歌法】批青年被洗腦 陳健波:拿特區護照,你就是中國人!

其他報道:【記得帶遮】天文台料驟雨落足九天 部分日子有雷暴

其他報道:【一地兩檢】馬時亨籲議員勿「阻着地球轉」:這世界只是「數票」

相關字詞﹕高鐵 馬時亨 編輯推介

上 / 下一篇新聞