民主黨議員許智峯日前取走保安局職員政府手機。民建聯主席李慧琼在港台節目表示，議員雖受法律保障，享有言論自由，但僅限於言論上，「不可能議員大晒，可以肆意侮辱官員，可以掟其他人，甚至以為自己唔係為個人利益就可以做出一啲侵犯他人嘅事囉。依啲係不能接受」。
身兼行管會副主席的李慧琼指出，自2008年時任立法會議員黃毓民掟出第一隻蕉起，暴力文化已經出現，「最初可能係做Show，未必係傷害他人」，及後議員為阻撓法案，會拉保安員和霸佔主席台，「依家甚至有議員話因為係所謂私隱嘅緣故，要搶走職員手機，行管會作為立法會嘅管理者，不可能容許立法會成為無法無天嘅地方」。
李慧琼續指，行管會必須要保護所有在立法會出入的持分者，「議員唔係大晒，官員出席立法接受質詢，唔等於官員嘅嘢，議員可以隨便攞」。她表示，行管會今日的議程主要是討論「許智峯搶手機」一事，以及日後的跟進方式，「點樣保護所有持分者喺立法會應有嘅權利同尊嚴」。
李慧琼指，行管會會嚴肅處理，不能因為議員來自不同的黨派，而有不同的處理。她認為，最有效的保障是，法官以至社會對不恰當及犯法的行為予以譴責及適當的懲罰。
李慧琼提到，作為行管會成員最難過的是，法庭判前立法會議員梁國雄「搶官員嘢都無事」，「如果議員係可以搶其他人嘢，而唔需要負上責任嘅話。咁第時我哋行管會管理就非常難」，所以她非常支持政府就梁國雄一事上訴。
經民聯梁美芬認為，今次事件不單是一位議員的事，而是公眾對整體立法會議員的質素和行為的看法，「我自己就聽咗好多聲音，指佢唔符合做立法會議員標準」。
她指，應該會有議員對許智峯提出譴責，要視乎兩個陣營的態度，因為曾有譴責議案得不到3分2的票數，但梁表示，今次不是政治陣營的對壘，「所以要睇下泛民嘅議員，如果我哋有人啓動依個基本法第79條第7款，佢哋會唔會睇到社會嘅意見呢，大家有同一種睇法」。
其他報道：【許智峯取走手機】謝偉俊：建制派「摩拳擦掌」有行動 較周浩鼎、鄭松泰事件嚴重