港聞

下一篇
上一篇

【Emily Online】范國威擬送王志民字畫「贈慶」 籲網民集思廣益 (17:59)

立法會將喺下星期一(23日)宴請中聯辦主任王志民,新民主同盟議員范國威,喺佢嘅fb專頁上講明會出席,又話當日計劃向王志民送上水墨畫,呼籲網民集思廣益諗吓有咩字句,可以題上去「贈慶」喎。

范國威話,贈畫原因係不滿中聯辦無視一國兩制,干預香港內部事務,又唔妥王志民經常發表「中環西環行埋一齊」之類嘅爭議言論。

從帖文相片所見,范國威嘅水墨畫有三名人物,包括已故中共領導人鄧小平、特首林鄭月娥同埋王志民。當中林太同王志民更加係喺鄧小平巨大身影之前,兩者比例差距頗大。范國威表示,有關構圖代表住王志民啲言行,違背當年鄧小平向香港人所作嘅承諾。

最後范國威又列出佢友人嘅題字建議,好似「昨天講一套,今天做一套」、「昔諾港人自治,今竟背信棄義」、「中環西環行埋,老鄧兩制係邊」等,言辭十分犀利。屆時王志民要拆彈嘅話,恐怕都要多花少少工夫喇。

其他報道:【暴動罪審訊】梁天琦指不認識其餘被告 稱本民前非政黨無黨紀 成員彈出彈入

其他報道:【石棺藏屍案】證人稱曾被首被告騙錢 付5萬元讀「哈佛學位」只獲贈書

其他報道:【7歲女營養不良腦受損】父稱女童母以其家人威脅故作假證供 曾被要求承認所有罪責

相關字詞﹕emily online 王志民 范國威 中聯辦 立法會

上 / 下一篇新聞