港聞

【Emily Online】涉警犬投訴5年有3宗 有人不滿狗隻太瘦 (23:25)

警方久不久就會收到市民投訴,過去幾年有個案涉及警犬。公民黨立法會議員譚文豪關注相關數字,保安局回覆立法會特別財委會話,過去5年警務處接到3宗有關警犬嘅投訴,其中一宗2013年嘅個案,係投訴警犬太瘦。

另一單個案同樣喺2013年,有人投訴警犬留喺警車上面,但領犬員唔在場。兩單個案經投訴警察課調查後,都裁定投訴不成立。仲有一宗,係投訴領犬員無妥善控制狗隻,以至警犬向投訴人吠。當局最後向主管人員轉達不滿,以及採取適當行動改善。

其他報道:獲恒地1元租地2年 社聯貨櫃屋選址南昌街 料建百個230呎單位

其他報道:【暴動案審訊】同意向警擲樽硬物屬暴力 梁天琦否認行為「違法達義」

其他報道:7歲女嚴重營養不良腦部永久受損 來港定居教師母涉疏忽照顧應訊

相關字詞﹕警務處 警犬 編輯推介

上 / 下一篇新聞