港聞

下一篇
上一篇

【Emily Online】食衛局預算獲逾3000萬撥款 加強支援不同部門 (22:12)

食物及衞生局今日回覆立法會特別財委會嘅文件時披露,為咗加強對唔同部門嘅支援,提升工作效率,將會增設多個職系同辦公室等,預算獲3700萬撥款,包括支援港珠澳大橋同高鐵通車後口岸嘅衛生情況。

食衛局喺文件入面指,2018/19年度,會獲撥款2,200萬元(2022/23年度開始每年撥款1,200萬元),用嚟設立自願醫保計劃辦事處,同埋支付宣傳同顧問相關開支,辦事處會負責自願醫保的實施和日後發展。

另外,改革醫委會嘅條例最近通過,食衛局亦將會增聘人手處理。為加強對醫務委員會秘書處支援,食衛局會增加總行政主任同文書主任等8個常規職位,涉及薪酬總額達約527萬元一年,當中包括月入約11萬嘅總行政主任 ,仲有兩名分別月入2.1萬嘅助理文書主任。

此外,喺港珠澳大橋香港口岸、廣深港高速鐵路香港段西九龍總站,仲有喺蓮塘或香園圍口岸通車後,為咗加強對港口衞生嘅全面支援,將會喺3個口岸增加共28個職系,包括醫生、護士同文書等,總金額預算每年達1056萬元。

相關字詞﹕食衛局 自願醫保 醫委會 醫務委員會

上 / 下一篇新聞