港聞

【Emily Online】睇劇憶起童年事 梁美芬重遊果欄 (19:41)

經民聯立法會議員梁美芬(Priscilla)細個時,會喺油麻地果欄附近跑嚟跑去玩。佢話最近因為睇咗一套講果欄嘅電視劇,突然之間好想去充滿童年回憶嘅地方行吓,所以就同果欄商販,以及街坊一齊去咗果欄。

其他報道:【Emily Online】喬曉陽將訪港 料出席兩場《基本法》研討會

Priscilla同Emily講,祖父輩之前喺果欄附近有舖頭,細個得閒就會同啲小朋友一齊喺附近跑嚟跑去玩。佢仲話,套電視劇「有一定真實感」,落果欄同街坊聊天時,順便回味吓電視劇中唔同嘅角色。

Priscilla表示,同行有一位係佢爺爺輩嘅街坊,大家一齊去探唔同果欄商販,又去睇吓一些前年受火災影響嘅檔口,了解商販目前情況。Priscilla當然大讚果欄嘅水果好靚,話買咗唔少生果。

其他報道:梁金成上深圳向市長遞信 促打擊水貨問題

其他報道:回應王志民不點名批評 戴耀廷:國家安全須符合高度自治原則

相關字詞﹕梁美芬 油麻地果欄 電視劇集

上 / 下一篇新聞