港聞

下一篇
上一篇

【Emily online】港鐵搞高鐵巡迴展  VR實景體驗西九站內部環境 (17:47)

政府日前去信立法會高鐵一地兩檢條例草案委員會主席葉劉淑儀,話想喺5月上旬完成審議草案,留時間進行埋餘下嘅立法程序,趕及高鐵香港段喺9月通車。政府同港鐵公司都有喺電視賣廣告宣傳高鐵,港鐵今日仲開始舉辦高鐵巡迴展覽,畀市民喺9月之前率先體驗高鐵之旅,用VR實景體驗香港西九龍站的內部環境。

其他報道:【一地兩檢】政府函立會催進度 葉劉提5月7日完成審議 陳帆否認施壓

呢次巡迴展覽會喺港鐵旗下商場、車站同政府場地舉行,第一站就設於尖沙咀圓方水區中庭,市民由即日起至4月30日都可以去到參觀。

究竟巡迴展覽有咩睇? 除可了解高速鐵路服務之外,市民亦可參與互動遊戲,以及到照相區同高鐵列車合照。如果市民想隨時隨地喺個人流動通訊裝置,親身體驗香港西九龍站的內部環境同高速鐵路列車,可以將喺拍照區嘅照片上載至個人Facebook帳戶,就有機會免費獲贈一副紙板VR眼鏡。

今日係巡迴展覽嘅啟動禮,港鐵公司公司事務總監蘇家碧話,工程部及車務處的同事正密鑼緊鼓向著目標通車日期進發;為巡迴展覽揭幕嘅運輸及房屋局副局長蘇偉文就話,自己同大家一樣,熱切期待高速鐵路在今年9月順利通車,並希望這個劃時代的運輸基建項目,會讓每一個香港市民引以為傲。

巡迴展覽五月展出嘅詳情:

5 月2-6 日(早上十一時至晚上十時)

青衣青衣城

5 月8-13 日(早上十時至晚上十時)

將軍澳PopCorn

5 月15-22 日(早上十時至晚上九時)

九龍灣德福廣場

其他報道:【高鐵出軌】港鐵指車輪偏離路軌3寸 肇因關乎事發位置獨特性 今恢復試運

其他報道:【短片:一地兩檢】陳帆:時間急切 指法律爭拗「點傾都唔會達成共識」

 

相關字詞﹕編輯推介 一地兩檢 高鐵

上 / 下一篇新聞