港聞

【Emily Online】警察圍黃埔花園做乜事? 原來菲總統要去Jollibee (21:58)

星期四下晝6點幾放工時間,Emily見到facebook專頁「小黃紙 Whampaper」話,黃埔花園人山人海,仲有大批警察封路,擔心緊發生咩事之際,睇清楚先發現,原來係正私人訪港3日嘅菲律賓總統杜特爾特,去到嗰度嘅Jollibee(快樂蜂)分店,會見旅港菲律賓僑胞。

其他報道:青山醫院男病人擅自離院 失蹤一日仍未尋回

據了解,杜特爾特係喺去啟德郵輪碼頭見在港菲律賓人士前,突然加插咗前往Jollibee嘅行程。菲國外長卡耶塔諾(Alan Cayetano)一度喺facebook直播,杜特爾特喺舖頭入面,同一位菲律賓女士傾偈嘅情況。嗰位女士見到杜特爾特時笑得好開心,講講下仲有啲激動,拎起紙巾抹眼淚。

Emily知道,Jollibee一向好受喺香港做嘢嘅菲律賓家傭等歡迎,今次連總統都要去幫襯,究竟呢間快餐店係咩來頭呢?原來佢前身係一間喺1975年開始嘅家庭式雪糕店,而家已經成為菲國連鎖快餐店,單喺菲律賓已經有超過750間分店,係國內市場嘅主要「領先者」。公司到1987年首次衝出菲律賓到汶萊開店,1996年嚟到香港開第一間分店,而家亦喺香港、美國、越南同汶萊等地,積極擴展業務。

其他報道:港服務業微笑指數全球尾五 歷來最佳排名 運輸交通業最低分

其他報道:警司涉收賄兼接受免費性服務 辯方稱與控方商討答辯:審訊機會不大

相關字詞﹕杜特爾特 菲律賓 快樂蜂 黃埔 快餐店 編輯推介

上 / 下一篇新聞