港聞

【Emily Online】立法會的貧富懸殊 議助人工最高$73,950 最低$6,000 (18:04)

立法會議員早前就最新一份財政預算案,向各個政府部門提出逾6000條書面提問,各部門已經陸續開始回覆議會。公民黨郭家麒向立法會秘書處查詢議員助理酬金嘅問題,發現喺2016/17年度,最高嘅議助薪酬有$73,950,最低就係$6,000,最高薪者的人工,足是最低薪者的11倍。不過,秘書處無指出有關薪酬係全職定兼職。

秘書處回覆提問時指出,議助薪酬嘅平均數同中位數,喺過去5個立法年度都有逐年上升。最新數字反映喺2016/17年度,議助薪酬平均數係$20,871;而薪酬中位數就係$17,500。

被問到當局有否考慮為議助制定薪級表,秘書處回覆指上兩屆議會嘅「議員酬金及工作開支償還款額小組委員會」曾經檢討議員嘅工作開支償還款額,小組委員會認為議助同公務員嘅工作性質有別,加上公務員嘅薪酬機制性質獨特,所以對於用公務員薪酬作為基礎,從而訂下議助薪酬數額,係有保留。

其他報道:【石棺藏屍案】小草:遭要脅同往台灣 指首被告稱任高級警官叔「有能力干預件事」

其他報道:六旬男西醫涉非禮 事主:聽診時遭掀衣服撫腰 10秒10次

其他報道:警務督察協會主席批佔中後市民守法意識弱 「停車違泊當老馮」

相關字詞﹕立法會 議員助理 編輯推介 薪酬

上 / 下一篇新聞