港聞

下一篇
上一篇

【Emily Online】街頭工作遭外籍女突襲錫面 黃大鈞:我都同樣經歷過 (11:50)

有線新聞台體育女記者報道香港國際七人欖球賽決賽期間,遭身邊兩個外籍男觀眾「突襲」,強吻佢兩邊面頰,事後有關嘅新聞片喺網上瘋傳,平機會都話有關行為可能涉及性騷擾,但原來無綫新聞前主播黃大鈞,都有類似經歷,佢今朝就喺fb發文,話「我都同樣經歷過」,更附圖供網民一睹當時情況。

從黃大鈞放上Facebook嘅兩張翻攝電腦嘅相可見,當時佢同樣係街上進行拍攝,突然有一個外籍女子入鏡錫佢左面頰;第二張就見到有另一個女子係後面似乎想伸脷舐佢耳仔。

佢表示,當時只係平常心看待,無特別enjoy或者討厭,又講笑話「當年最開心係你哋啲食花生同事」,而有關片段並無出街。佢仲強調,唔係自己專登留低呢啲畫面,而係之前某體育同事翻攝電腦畫面再WhatsApp佢,先會留咗喺手機。

其他報道:【狗主必睇】愛犬誤服毒餌點解決? 愛協送「梳打粒」兼教使用方法

其他報道:建制倡譴責鄭松泰立會倒插國旗 梁美芬:我們正訂「家規」

其他報道:林鄭指「禁每日150單程證人到港解房屋問題」不實際 譚凱邦反駁:不檢討才不實際

相關字詞﹕平機會 性騷擾 記者 編輯推介

上 / 下一篇新聞