港聞

【Emily Online】競委會社交媒體宣傳比賽 市民估中優勝隊伍隨時有獎 (22:53)

競爭事務委員會舉辦咗個「玩‧PO‧競」社交媒體宣傳挑戰賽,請到本港14支大專隊伍參加,幫忙推廣《競爭條例》。一班學生鬥智鬥力,其他市民亦可以參與其中㗎。大會設有獎競猜遊戲,大家喺今個月12至26日期間,去比賽facebook專頁留言,寫低自己最鍾意邊支隊伍,再讚好及分享有關帖文。如果你支持嗰隊贏咗,就有機會贏到Apple AirPods無線耳筒,或者USB「手指」等獎品。

今次比賽目的旨在推動大學生深入了解競爭法概念、價值及條例內容等。值得一提嘅係,勝出一支隊伍,除咗有豐富獎品之外,仲可以喺暑假期間跟羅永聰實習。羅永聰呀,即係上年特首選戰期間,幫前財政司長曾俊華助選嗰位呢。同學仔跟佢學實習,話唔定學得一身好本領㗎!

其他報道:WhatsApp即時通訊程式詐騙案 今年首季個案已超去年總數

其他報道:報道指韓正任港澳工作協調小組組長 建制派:如無意外由他出任

其他報道:132條專線小巴申請加價 港島4S線擬加56.3%

 

相關字詞﹕社交媒體宣傳挑戰賽 競爭事務委員會 競爭條例 編輯推介 競委會 羅永聰

上 / 下一篇新聞