港聞

下一篇
上一篇

【短片:Emily Online@立會答問】姚思榮要求搞公廁革命 林太話好有決心改善 (13:06)

民生無小事,特首講公廁。話說今朝特首林鄭月娥今朝去立法會出席每月一次嘅短版答問會,旅遊界議員姚思榮問林太會唔會搞公廁革命,仲建議唔同地區做啲Icon公廁,等大家可以有啲「好特別嘅感受」,林太點答呢?

是咁的,姚議員身為旅遊業一分子,當然關心香港嘅大都會形象,佢話有市民同遊客反映,話中環、山頂、尖沙嘴同旺角呢啲遊客區嘅公廁供應不足、衛生情況差,而偏遠景點就更差,長期冇改善,有損香港嘅國際大都會形象,佢直接問特首,有冇意思搞搞公共廁所革命,全面提升公廁設施同衛生環境呢?

其他報道:言語不通拗車資 兩外籍漢打暈的士司機逃遁

林太就話,遊客對一個地方嘅觀感,公共廁所確係扮演重要嘅角色。佢仲留意到內地而家由上而下推動公廁改革、改善衛生環境,而香港亦好有決心改善呢種情況。林太話,早前佢同食環署、康文署合約承辦商做清潔同保安嘅朋友見過面,請佢哋提出改善方法,政府一定會跟進。佢又話部分係資源問題,若增加資源就可保證衛生好一啲。

姚思榮就繼續問,一啲地方可唔可以搞啲特別設計得好啲嘅廁所,等旅客有新感受。佢又直指中環街市廁所「好肉酸」,而中環係中心區,應該多啲關注,又建議可以喺唔同地區做一啲Icon廁所,等大家有啲好特別嘅感受。

特首聞言就話,「你特別提到中環街市,我都要發表下我啲感受」。林太話,中環街市公廁一直等緊市建局活化中環街市成為中環綠洲之後就會有更好嘅設備,但礙於慣常嘅爭議,呢個項目拖咗好多年,但近日行過附近,見到已經圍咗板,希望盡快做好。

會後,姚思榮再接再厲,又捉住民政事務局長劉江華,建議「區區有公廁」,確係不遺餘力。

其他報道:【附辯題】貼地辯論賽「奇趣盃」又嚟啦! 學生激辯黃子華演藝路、佛系態度

其他報道:【立會答問】打擊炒黃牛? 林鄭:檢討條例擬加重刑罰 康民署正試實名制

相關字詞﹕編輯推介 公廁革命 特首答問 立法會答問 答問會

上 / 下一篇新聞