港聞

【Emily Online】邵家臻:監獄奶茶「好飲」 倡成立監懲會改善囚者權利 (15:36)

上星期一班曾經去懲教院所作公務探訪嘅民主派議員,同埋5位曾被判囚嘅示威者,發表「改善香港在囚人士權利及監獄環境建議書」,要求懲教署改善在囚者權利。立法會議員張超雄話,現時懲教署對待在囚人士,喺膳食、教育、設施環境、處理投訴機制等方面都有不足。社福界立法會議員邵家臻就話,會喺保安事務委員會,提出討論立法成立「監懲會」可行性。

其他報道:啓德花園商場檔口失竊 600個胸圍被偷

一班立法會保安事務委員會議員,今日去咗探訪白沙灣懲教所,包括張超雄、邵家臻、鄭松泰、陳克勤、葛珮帆、容海恩、郭偉強、姚思榮。今次探訪行程,包括觀察由職業訓練局提供畀在囚人士嘅油漆及粉飾訓練課堂,睇吓佢哋學貼牆紙,另外又去標誌製造工場,睇吓佢哋點樣整路牌。懲教署仲安排議員去參觀囚倉、球場,議員有機會試飲院所平日提供畀在囚人士嘅茶、奶茶同粥水。

邵家臻探訪完話,以前聽好多在囚人士投訴啲奶茶太甜,飲落似奶水,但佢話今日試飲嗰杯係「好好飲」。張超雄話,之前羅冠聰未被「DQ」時,都去過呢類院所探訪,阿聰被判入獄後話,「我哋飲嗰啲就肯定唔係囚友飲開嗰啲」。郭偉強認為,懲教署唔係要令在囚人士感到賓至如歸,而係要重塑社會規範。張超雄同邵家臻話會向懲教署長反映意見,希望改善在囚人士待遇。

其他報道:【DSE中文科】綜合卷首考公開信 教師指無先例或令學生「打個凸」

其他報道:DSE中文卷閱讀能力題目 取材台灣文章 作者林黛嫚被考起:我都不知怎答

其他報道:政總塌石屎 擊中女子頭部

相關字詞﹕懲教署 白沙灣懲教所 在囚人士 監獄 監懲會 編輯推介

上 / 下一篇新聞