港聞

【一地兩檢】譚耀宗:人大常委可鞏固法律基礎 (12:54)

立法會「一地兩檢」條例草案委員會加會審議條文。全國人大常委譚耀宗認為,雖然基本法起草時未有考慮高鐵一地兩檢,「但係唔緊要,基本法入面,中央畀權我哋。有啲嘢如果當時未有包括在內,中央將佢確立落嚟係可以嘅。人大常委可以幫你鞏固法律基礎」。

譚耀宗在港台節目表示,「車廂內檢」不可行,亦不可能在全國每個站都「整個口岸」。譚回應法律基礎不鞏固的質疑:「人大常委已經開會做咗決定,人大常委解釋基本法都係佢嘅權呀,所以唔使擔心嘅。有啲人拎咗去司法覆核,睇下到時法庭點樣處理呀。我作為起草基本法嘅,亦係人大常委,我覺得人大常委係注意到呢個問題,亦想咗好多辦法。而家呢個辦法我覺得係可行嘅。」

譚耀宗指,隨着國家發展,香港仍有空間、出路及優勢,中央不想將香港變成內地城市,並希望香港700萬人發繼續發揮優勢,例如協助內地融資:「有時中央政府唔使拎好多錢出嚟,拎一部分出嚟,就可以喺香港融資,可以發展,等大家有得參與。」

譚耀宗續指,香港人很有創意,有諗頭,而內地很多人擅於將諗頭變成商品及服務:「我哋有『橋』,佢哋有人手,有能力大家拍住上。」

其他報道:修憲刪主席任期限制 譚耀宗:初期認為「使唔使咁樣呀」 後感有彈性

其他報道:指年輕人不知回歸前遭打壓歧視 譚耀宗:現在幸福好多

其他報道:張建宗:研內地擴展長者醫療券計劃

相關字詞﹕一地兩檢 譚耀宗 中港融合

上 / 下一篇新聞