港聞

下一篇
上一篇

修憲刪主席任期限制 譚耀宗:初期認為「使唔使咁樣呀」 後感有彈性 (12:00)

內地早前通過修改憲法,刪除國家主席任期限制。新任全國人大常委譚耀宗在港台節目指,今次修憲不是等於終身制,亦要經過選舉,而且修改符合領導人「三為一體」的體制,因為黨軍委主席及黨總書記都沒有任期限制,直言:「初期都覺得使唔使咁樣呀,但再睇返本身個運作、睇返條文,都覺得國家正副主席無咗任期限制,能夠等同其他兩樣(黨軍委主席及黨總書記)咁樣,有一個彈性,都無問題嘅。」

譚耀宗又指,習近平打貪腐,「攞準國內人民嘅心」,故受人支持愛戴。他續指,貪腐問題存在,國家領導人亦知道問題,不過打貪未有成效,而習近平五年間取得成效,並具有震懾力。譚續稱,中國在修憲中總結過去四十年國家發展迅速原因:「其實一個最重要原因,係有一個有能力、凝聚到國民、為人民服務的政黨。」

譚耀宗認為,今次修憲有一點要注意:「過往人哋話我哋人治,而家要慢慢走向法治。法治國家就要有憲法,所以今次領導人當選後,都要按照憲法來宣誓。」譚指,今後問題要通過法律去有規範地進行,不是單推動一段時間,非以往「搞運動」的方式。

譚耀宗曾指提出「結束一黨專政」等口號或影響參選,他解釋:「香港言論自由,你講咩都得,你鬧共產黨好、鬧國家好。不過如果你要進入建制,立法會就係建制一部分,你就要承擔責任。」

對於有港人對共產黨敏感,譚耀宗表示理解,指當中有些歷史原因。他解釋:「共產黨初期得幾十人,能夠廿幾年之後將國民黨(打敗),當時認為國民黨好腐敗、抗日不力,將佢趕到走台灣,然後成立中華人民共和國。成立初期唔夠經驗,建國初期走咗彎路。」

譚續指,打江山後可能會有很多問題出現,內部又有鬥爭,加上仍在探索建國路:「你話邊一個人要負責任,可能唔只一個人,可能好多個都要負責。成個黨都要總結經驗。特別經過文革創傷,令到香港人睇見文革咁亂:『嘩,好彩我係香港啫。』」

其他報道:【一地兩檢加會】陳健波:開會有目標不能停留爭議 指市民失望「同事要檢討」

其他報道:指年輕人不知回歸前遭打壓歧視 譚耀宗:現在幸福好多

其他報道:張建宗:研內地擴展長者醫療券計劃

相關字詞﹕國家修憲 譚耀宗 人大常委 連任 編輯推介

上 / 下一篇新聞