新任全國人大常委譚耀宗在港台節目提到時下年輕人缺乏經歷和對國家的認識。他指其父一代在國家解放前出世，經歷日本侵略，對國家強大好有感受，「反為香港年青人好缺乏依啲，一出世就回歸，香港已經係咁。以前港英管治，佢唔知咩事。點樣打壓被歧視，佢又唔知咩事。有比較係重要，有比較先知得來不易。依家好好多喇，幸福好多喇。」
譚耀宗不認同香港年輕人對政治有熱情，不算熱心。他指觸發點是有些事情發生，特別是政改，令社會撕裂，有些年輕人對特區及中央不滿，而作出一些言行，甚至「港獨」，他對此感到可惜：「依條路係一條死路。年輕一代對國家認識好有限，從而無一個感情，好多無返去，所以好希望佢哋返去睇下，認識多啲。明白我哋發展空間，如果同內地相互相成有好處。」
主持人提及很多年輕人都為香港住屋問題苦惱，譚耀宗認為「不嬲都係大問題」，他指自己結婚生子時都是租屋住，到後來差不多成為議員時才能分期付款置業，「當時平好多，但係人工都低好多」。
譚耀宗表示：「咪一路逐步嚟囉，你唔好話追求咩。無地方住，租間房喇。個仔無活動地方，等佢去工會玩下囉。係咁樣解決，逐步解決。當然依家年輕人同我哋諗法有啲唔同，社會要求唔同咗。」