港聞

【Emily Online】傷健者製旗袍褸予特首 望團結香港 (23:16)

人人都知特首林鄭月娥成日着旗袍,凍少少嗰時就加件旗袍褸。呢日理工大學搞咗個「展才設計2018」嘉獎典禮,係由理大學生同長者或者傷健人士,一齊合作整套衫出嚟,結果一共有10隊入圍,仲齊齊喺台上表演花生騷。林鄭月娥都有出席個活動,仲收到禮物添!

其他報道:王志民:反共產黨領導就是反一國兩制、對香港人的犯罪

原來2年前林太都出席過呢個活動,當時仲係政務司長嘅佢,話想有人設計衫畀佢。有人亦都默默咁記低咗,一直想為林太設計服裝。不過上年林太走去選特首,直到今年就以特首身份,再次出席活動,就收到呢個有心人設計嘅旗袍褸。

呢位叫吳貴玲嘅有心人,話林太有一種東方女性嘅美,性格堅忍。佢話覺得宜家社會上有好多唔同聲音同意見,唔同政黨亦因為意見相反而有爭執,覺得林太要帶領香港,充滿唔容易。

吳貴玲設計畀林太嘅旗袍褸係白金色,最特別係上面繡咗「HONG KONG」8個英文字,每一個字都係連住,寓意團結香港。Emily都好欣賞吳貴玲嘅心思,雖然佢下身不良於行,但佢都好積極咁去做義工,而件旗袍褸,佢話用咗差唔多3個月時間嚟整。

林太喺台上面即場試件褸,又幾啱身!不過佢離開會場見傳媒嗰時,Emily見佢已經無着件褸,畀咗人幫佢拎。

其他報道:【言論風波】斥有人寄望共產黨「玩完」 譚耀宗:你唔使諗喇,你返去繼續發夢

其他報道:【言論風波】戴耀廷稱對林鄭回應「極度失望」 提出5個反問

相關字詞﹕編輯推介 林鄭月娥 旗袍 旗袍褸

上 / 下一篇新聞