港聞

【短片:Emily Online】 未來一哥鄧炳強 「寒戰一哥」郭富城 四點鐘許sir 單手掌上壓籌款 (20:57)

警隊近期搞緊一個「單手掌上壓挑戰」大型籌款活動,希望參加者可以透過做單手掌上壓,感受小動物喺失去肢體下,繼續面對逆境嘅堅毅精神,喚醒其他人積極援助被遺棄動物同籌款。警隊呢幾日就搵咗高級警官身體力行參加,包括「未來一哥」行動處長鄧炳強,以及兩位助理處長包括「4點鐘許sir」許鎮德同蕭澤頤。另外,佢哋仲搵埋電影《寒戰》中,飾演未來一哥嘅天王郭富城支持添。

其他報道:警一連10天打擊單車違例行為 不警告即檢控

已為外界預計係「未來一哥」嘅鄧炳強,早兩日就喺fb上載單手掌上壓片段找數。佢留言提起,兩個月前應承參加今次籌款,「苦練」下「終於幸不辱命」完成;許sir就喺fb提到,雖然因為早前羽毛球比賽用力殺球,右手腕近排有啲痛,但無礙佢出錢出力參與今次活動。

至於喺唔少電影中扮演過警察、甚至係一哥嘅城城,原來就因為畀鄧炳強 hashtag咗,今日下畫就接受咗挑戰喇,係IG上載咗佢話咁易就做完單手掌上壓嘅片段。佢仲hashtag咗電影《寒戰》導演、形象指導同攝影參加!

其他報道:戴耀廷稱中國必將民主後港可考慮獨立 特區政府發「震驚譴責」

其他報道:【短片】王國興報案指議辦收恐嚇信

 

 

相關字詞﹕一哥 郭富城 四點鐘許sir 鄧炳強 許鎮德 寒戰 掌上壓 單手掌上壓 編輯推介

上 / 下一篇新聞