港聞

王維基:如當年有牌照 過去四年是電視史上最輝煌的四年 (11:49)

香港電視(1137)日前終公布放棄申請免費電視牌照,歷時8年的電視夢終醒。港視主席王維基出席商台節目時表示,去年已開始檢討是否會繼續申請牌照,最終在考慮各項因素後決定放棄。王維基表示,整個外在環境、營商環境、市場環境都會考慮,不想「側重話政府唔啱」,不過他表示不認同「好彩攞唔到個牌」的說法:「依個講法係絕對錯誤。如果當年我哋有一個牌照的話,我相信過往依四年,應該係香港電視史上最輝煌,可以應該係其中最輝煌的四年。」

他解釋,因為當時不是只有他一人,還有台前幕後幾百人,很多廣告商都期望,成個社會推動,很多年輕人想投入。他指,投資者的資金投入不是最重要,最重要的是有一班有心人,包括幾百名演員、六七十名編劇及五六十名導演,全部都是行內最精英的一批朋友,以及最肯改變的人:「我為自己吹噓,你睇吓我哋嘅節目,唔係話最好,當然比起美劇仲差一段,但係我哋已經有好大改變,喺題材、製作及創作方面。你問我失望,喺呢一方面,我係有啲失望。」

王維基提到申請牌照的過程,他以見工為例,8年前已寫好求職信,「無得interview(面試),又不斷問你咩學歷、咩資歷,講完之後又問返你有咩學歷、咩資歷。你又再答多佢一次,之後佢再問你『8年過咗嗱喎,有咩嘢變呀?』永遠都可以咁做,你拖多我兩年,兩年之後再問返我有無嘢變。所以我覺得算喇。」他感言:「每一樣嘢一定都有開始有結束。」

其他報道:【棟篤笑炒黃牛】獅子山學會批「黃子華的錯」 指門票定價太低

其他文章:黃子華收咪 一代香港精神終結(文:陳帆川)

其他報道:凌霄閣公廁殘 旅業恐損形象 食環署﹕派「廁所事務員」保衛生

相關字詞﹕一男子 王維基 香港電視 編輯推介 免費電視牌照

上 / 下一篇新聞