港聞

【Emily Online】特首去睇藝術展 鄭志剛做導賞員 (16:33)

新世界鄭家第三代舵主鄭志剛(Adrian)熱愛藝術,政商界人人皆知。佢成立嘅藝術基金會,最近搞咗個國際藝術展。是日Adrian化身「導賞員」,嗌埋行政長官林鄭月娥嚟參觀。林太同到場幾位中外藝術家交流,睇完之後仲趷起手指公盛讚!

今次Emerald City展覽,由K11藝術基金會藝術總監劉秀儀負責策展,係基金會成立以嚟,首次包辦晒研究、策展及製作。今次一共有中外28位藝術家參與,今日有部分都有到場,同林太分享設計意念。

展內有繪畫、錄像、雕塑同埋場域特定裝置。策展人話各項展品,都係想對比文化轉譯中「透明性」與「陰晦性」兩個重要概念,探討不同文化喺全球化浪潮下共存嘅可能。

林太參觀完之後,認為展覽都幾有趣。佢希望日後有更多人,願意用行動支持民間藝術發展,鼓勵同吸引世界各地年輕藝術家嚟香港。如果其他市民都有興趣,可以去展覽網站睇睇。

其他報道:【網上熱話】淘大影藝今天Last Day 街坊不捨:邊度再有正常價位嘅戲院

其他報道:【emily online】青年發展委員會名單公布 吳明欽女兒Senia、「牛丸」陳婉婷有份

其他報道:指康宏環球及7相關公司侵權 BVI公司入稟求禁再用註冊商標

相關字詞﹕藝術展 鄭志剛 新世界 林鄭月娥

上 / 下一篇新聞