港聞

【九巴車長罷駛】九巴稱會面屬員工個人見面 葉蔚琳聞言激動:唔需要去喇 (10:00)

「月薪車長大聯盟」不滿九巴新的車長薪酬調整,上周六要求下午與高層見面不果後,即日發起罷駛,其後九巴回覆可於今日下午見面。九巴傳訊及公共事務部副主管林子豪表示,會面是由同事代表會見大聯盟發起人葉蔚琳,主要是聆聽員工意見。林表示,會面是常設機制,每一位員工都可以透過此機制反映意見,今次的會面是按固有機制與員工見面,而不是與一個組織見面。

其他報道:演藝畢業念戲曲 葉蔚琳轉行揸巴士

葉蔚琳聞言後表示,不會出席今日的會面:「大家都好清楚(公司立場),唔需要去喇。」她激動表示,大埔車禍涉事車長因情緒而導致事件,車禍後現任車長都有很大的情緒:「點解咁迫切要求對話,好簡單,就係安撫月薪車長的情緒,點解咁少的要求做唔到。」葉蔚琳斥對方高姿態:「高姿態係咩嘢呀!係商業嘅行為!依啲唔係公營機構嘅行為,你地係咪擺市民性命做賭注。」

葉蔚琳認為,公司的高姿態是漠視公眾危險:「淨係擺個姿態,要企硬。唔係要解決事情,唔係想要更加好。成日話好緊張依樣嘢,但你無做到囉,無做到講咩都無用。個心都唔係心嚟嘅,淨係得姿態同錢,我唔識講呀。」

葉蔚琳指,自己與丈夫在九巴工作,每月共有6萬月薪:「我點解要出來?因為我畀人打過,我唔知我會好似佢(涉事車長)咁傻咗,揸巴士點解要坐監,一個三十歲的年青人,你知唔知好可悲呀!」她續斥:「點解公司唔處理我地的情緒問題?點解唔一早溝通?同乘客講唔好騷擾車長?」

林子豪回應指,公司在支援車長方面「做咗唔少嘢」,他亦同意溝通是重要。林舉例,針對車長被打的問題,涉事乘客除有刑事責任外:「當有好多好多嘅個案,公司是做緊一個民事追討。」他認為在保障車長安全方面,公司與車長是同一陣線。

其他報道:【九巴車長罷駛】葉蔚琳證實今日「留廠」休息 否認被公司停職

其他報道:【九巴車長罷駛】憂每周工作至少18小時致休息不足 部分兼職車長拒簽新約

其他報道:【九巴車長罷駛】九巴:方案獲兩建制工會支持 指表達意見須「以乘客服務為先」

 

相關字詞﹕月薪車長大聯盟 九巴車長罷駛 葉蔚琳 編輯推介

上 / 下一篇新聞