港聞

【Emily Online】網民收到鄧家彪競選宣傳單張 郵票不足罰4蚊 (23:31)

【21日19:22更新】工聯會喺facebook回應話,對於個別欠郵資事件,會方對會員造成不便表示歉意。受影響會員可致電36525700,搵職員跟進。

【20日23:31】立法會新界東補選下月11日舉行,各候選人近日宣傳攻勢不斷,擺街站、寄傳單等都係慣常手法。facebook群組「大埔」網民屋企,亦收到同時屬於工聯會同民建聯嘅鄧家彪競選宣傳單張,呼籲選民「全家總動員 齊投鄧家彪」。選民投票意向如何係後話,呢個網民關注嘅係,封信竟然無貼郵票,郵局話「郵費不足」,罰收件人4蚊!佢於是喺晚上發帖徵求其他人意見:「去郵局拎信前,可唔可以睇左係咩信先比(畀)罰款?」

宣傳單張無貼郵票,搞到收件人受罰。雖然金額唔多,鄧家彪怕唔怕影響自己形象,進而對競選有影響?Emily嘗試搵鄧回覆。可能都夜喇,對方未應機。

再提提大家,今屆新東補選候選人,除咗鄧家彪之外,仲有黃成智、陳玉娥、方國珊、趙佩玉同范國威。

其他報道:商經局常秘 料年中處理植入式廣告規管修訂

其他報道:【流感肆虐】遊港內地童甲流併發腦病變留醫 農曆年間42名成人流感不治

其他報道:【短片:網上熱話】瀝源邨老牌麵包店現大量老鼠 東主:從沒試過今次般多

相關字詞﹕立法會補選 新界東 編輯推介 鄧家彪 民建聯 工聯會

上 / 下一篇新聞