港聞

【Emily Online】大嘥鬼搵旅蛙一齊宣傳惜食活動 「跟車夠貼」網民like (20:07)

環境保護署為宣傳「惜食香港」,創作咗隻大嘥鬼,喺facebook開專頁不時同市民分享惜食資訊同活動。專頁管理員好識玩,內容夠盞鬼又緊貼潮流,最新一則帖文借近期大熱嘅旅蛙,宣傳「區區夠綠 2月好節目」。

帖文寫住:「最近有位新朋友嚟咗搵我啊,我梗係要帶佢周圍去啦,而且2月綠在區區有咁多好活動預備咗畀大家,不如你哋都一齊嚟啦!」附圖就係阿鬼走入旅蛙屋企同佢傾計,問阿蛙「呢啲活動啱唔啱玩」,之後兩張圖顯示阿蛙手上拎住一份2月「區區夠綠」活動時間表同埋地點。

帖文不出幾小時已經有超過2000人畀反應,大讚阿鬼緊貼潮流。咁多人讚,阿鬼亦喺留言區化身「關公」多謝大家支持。有網民「錯焦點」問佢做乜一身綠色裝備,連頂帽都係綠色啵?阿鬼巧妙回應:「因為綠色代表環保。」做宣傳、搞形象嘅嘢,或者網民講得啱,「天下公關,唯快不破」。

其他報道:港人對長者抑鬱存誤解 提醒老人家「有福」或致反效果

其他報道:沒確保職場安全罪成 港珠澳橋三承建商各罰四萬元

其他報道:涉嫌揑死年輕近20歲不忠妻子 六旬漢:成個腦諗住佢同第二個男人喺牀

相關字詞﹕大嘥鬼 惜食香港 編輯推介

上 / 下一篇新聞