港聞

【Emily Online】3年10宗郊園掛直幡 未有人被控 直升機處理涉46萬 (23:10)

自2014年佔領運動起,不時有人喺獅子山懸掛巨型直幅標語,表達政治訴求。環境局今日書面回覆民建聯立法會議員陳克勤查詢時話,2015年至2017年期間,共有10宗喺郊野公園非法展示巨型直幅個案,9宗涉及獅子山,1宗涉及西貢蚺蛇尖。其中6宗要飛行服務隊處理嘅個案,單計直升機運作成本,已逾46萬元。環境局話,由於上述個案都搵唔到涉事人,所以未能提出檢控。

其他報道:【港島補選】選舉主任確認區諾軒資格 馬金泉提名無效

環境局話,涉及地勢險要嘅個案,可能要由多個政府部門,包括消防處、飛行服務隊、警務處同漁護署採取聯合行動,移除直幅。根據局方統計數字,各個部門喺每宗個案,行動需時約1.3小時至約16小時,總調派人員數目介乎23人至40人。其中涉及40人嘅個案,係2015年2月有人喺獅子山懸掛「我要真普選」標語。

局方補充,根據《郊野公園及特別地區規例》,未經郊野公園及海岸公園管理局總監許可,唔可以喺郊野公園內或特別地區內展示任何標誌、告示同宣傳品等,否則最高可處罰款2000元同監禁3個月。

其他報道:【立會補選】劉頴匡被DQ 選舉主任指獲梁頌恆支持

其他報道:【短片:周庭DQ】林鄭稱沒參與DQ過程:不擔保周庭未來可參選

相關字詞﹕編輯推介 我要真普選 獅子山 直幡 直幅 直升機

上 / 下一篇新聞