港聞

【Emily Online】鬍鬚曾:我都曾經每一日淨係瞓四、五個鐘頭 (23:12)

特首林鄭月娥近日忙於應付不同公務同爭議,去年12月尾上電台時曾經話過,10月發表上任後首份施政報告時,每日只可以瞓3至4個鐘,之後總算可以瞓番5個鐘。上年曾經同佢特首選戰同場對撼嘅前財爺曾俊華,而家無官一身輕,每星期客串商台一個介紹音樂嘅預先錄音節目。佢喺嚟緊個星期日(2月3日)出街嗰集,就提起自己工作早年,都曾經只係每日瞓4、5個鐘頭,點知俾當時嘅上司召喚入房,提點咗幾句。

其他報道:【短片:特首質詢】林鄭:對鄭若驊因公忘私有同感 籲外界諒解包容

成個故事由曾俊華介紹殿堂級組合Simon & Garfunkel,其中一首歌曲《59th Street Bridge Song(Feeling Groovy)》兩句歌詞講起。首先係成隻歌第一句「Slow down, you move too fast」(慢啲啦,你行得太快喇),第二句係末尾一句「Life I love you, all is groovy」(生命我愛你,全世界都超正)。

曾俊華憶述:「我都好鍾意呢首歌。每次聽呢首歌詞,就會想起我剛剛開始工作嗰時,我都係好搏命架。係呀!我都曾經每一日淨係瞓四、五個鐘頭,推到其他嘅同事都好唔高興,又唔係咁有效添。」

「有一日,我嘅上司就叫我入佢間房,佢淨係話:John, it's a long road, smell the roses along the way. 佢就話,呢條路好長架,你要不時停落嚟,聞一聞周圍嗰啲玫瑰。咁呢句話就令我受用一生㗎。」

其他報道:【短片:周庭DQ】林鄭稱沒參與DQ過程:不擔保周庭未來可參選

其他報道:【特首質詢】林鄭:若社會接受便毋須擱置BCA 否認走數講大話

其他報道:【短片:特首質詢】外界料盈餘達1700億 林鄭:庫房水浸仍要小心分配資源

相關字詞﹕編輯推介 曾俊華 林鄭月娥

上 / 下一篇新聞