港聞

【Emily Online】新一屆廠商會見傳媒 大談創科 (21:34)

香港中華廠商會早兩個月換屆,新會長吳宏斌今日同一班副會長出嚟同傳媒見面,分享今年大計。佢話今年工作重點係培育年輕人才,仲會幫中小企轉型發展成有創意、高科技、高技術嘅產業。

講起創科,之前落幕嘅工展會首次同「微信支付」、「支付寶」合作,喺工展會接受電子支付。Emily向專門負責工展會嘅副會長徐晉暉打聽過,佢話香港人支付習慣仲係用現金、信用卡比較多,電子支付就係內地客用得多啲,但而家有唔少香港公司都有推出電子支付,所以下次工展會都考慮引入多幾款電子支付方式。

有「AO歌王」之稱、最近仲「殺」入電視界嘅廠商會行政總裁楊立門(Raymond)今日都有一齊同傳媒見面。佢同Emily講,之後逢星期二會幫亞視主持《今晚見》,邀請唔同嘉賓食飯兼「盡訴心中情」。

其他報道:冷氣機臭味洗極無用? 浸大首證人體皮屑是異味根源

其他報道:全球民主指數 港跌至71位 並列巴拉圭、納米比亞

相關字詞﹕廠商會 創科線 編輯推介

上 / 下一篇新聞