港聞

【Emily Online】約鄭若驊要搵社交秘書? 楊岳橋:司長可能以為我哋想約地庫BBQ (11:51)

民主派議員噚日去到金鐘律政中心出面,要求與律政司長鄭若驊會面,同埋交代佢向選舉主任提供咗咩法律意見。有份去嘅公民黨楊岳橋今日喺電台接受訪問嘅時候話,噚日等咗兩個鐘之後,律政中心有職員行出嚟叫佢哋離開,仲叫佢哋如果要約鄭若驊見面,就打電話畀鄭嘅社交秘書約時間。

其他報道:傳周庭或因港獨被DQ 胡志偉:為思潮播種淋花

民主派議員噚日傍晚6點幾喺中心出面等咗兩個鐘,鄭若驊就透過職員話唔會同佢哋會面。楊岳橋今日出席商台節目,講到噚日嘅事,就話佢哋見唔到司長,就諗住約司長之前話過「得閒」嘅下星期三,點知個職員就叫佢哋同司長嘅社交秘書約時間。楊岳橋話唔明點解約鄭若驊傾公事,要搵「社交」秘書,仲笑住話,「司長可能以為我哋想約地庫BBQ」。

不過楊岳橋之後都正經咁解釋,其實佢哋係希望司長可以公開公道咁解釋清楚提供畀選管會法律意見嘅標準,確保選舉冇政治操作。

其他報道:浸大外牆凌晨被噴辱罵錢大康字句 清晨再有刑毁

其他報道:【拆局】浸大校內促校長處理 「未料如此嚴厲」

其他報道:美田邨街頭集體毆鬥 有人遭打甩牙

相關字詞﹕鄭若驊 律政司長 律政司 社交秘書 楊岳橋 民主派 補選 立法會補選 編輯推介 司長僭建

上 / 下一篇新聞