港聞

【多圖:Emily Online】機場增設免費高速Wifi區 抵港層有淋浴間 (15:43)

香港國際機場已成為全球最繁忙嘅機場之一,上年度載客量更突破7000萬人次大關。為咗提升機場設施,機管局舊年起喺機場範圍新增多項設備,包括舊年9月喺機場抵港層20號至22號登機閘口中間,設立免費淋浴間,男女各有5格,當中1格專為傷殘人士使用。淋浴間設置自動售賣機,提供毛巾,牙膏牙刷,個人護理用品等。

其他報道:燈柱加設長者殘障者拍卡裝置 關愛綠燈延長4秒 渣華道今測試

機場話,設立咗淋浴間之後受旅客歡迎,每日平均有100人使用,多數都係長途或者轉機嘅旅客使用。

另外,機場方面話收到唔少旅客意見,尤其係商務客,話希望機場嘅Wifi速度可以再快啲,以方便下載大型商業文件等。機場今年初喺離境大堂嘅三個區域,包括21號至23號閘口中間等,加裝免費高速Wifi區,上網速度達每秒200至400mb,大約幾秒就可以下載一個全新手機App,下月初仲計劃增至10幾個區域加裝高速Wifi。

與此同時,機管局亦翻新部分登機閘口區域,包括1至4號閘口同埋15至19號閘口一帶嘅座椅,每張座椅加設USB充電裝置,而且提升咗空間感,希望為旅客帶嚟唔同嘅感覺。

其他報道:換纜索停運5月 昂坪360去年載客量跌四成

其他報道:【流感肆虐】5歲男童留醫一日不治 今年第二宗兒童死亡個案

相關字詞﹕機場 機管局 交通 編輯推介 創科線

上 / 下一篇新聞