港聞

【Emily online】醫管局港島西總監陸志聰調任港島東 (23:31)

喺瑪麗醫院做逾7年的港島西醫院聯網總監陸志聰,明年會調任港島東聯網總監。對於點解會有咁嘅安排,醫管局行政總裁梁栢賢話,屬醫管局管理層的正常調動,陸志聰亦願意調職;仲話希望將來接掌瑪麗醫院嘅院長,能夠與港大醫學院有一定關係。

現任港島東聯網總監劉楚釗明年10月退休,因為有成個幾月嘅假期未清,所以確實離任日期仲未知道。梁栢賢話,管理層一向有恆常嘅調任機制,對醫生個人發展有幫助。瑪麗醫院係香港大學的教學醫院,梁認為接任人未必需要好熟悉瑪麗醫院嘅運作,但認同要同港大醫學院有一定關係,有機會係公開招聘其中一個考慮因素。

其他報道:高層獲加薪 醫管局主席否認有財赤

其他報道:小予恩據指吞嚥及四肢活動能力受損 智力語言視聽覺影響仍為未知數

相關字詞﹕醫管局 醫院管理局 陸志聰 瑪麗醫院

上 / 下一篇新聞