港聞

【短片:Emily Online】醫學會傳媒晚宴 陳以誠喉嚨生痱滋照唱歌娛賓 (22:39)

醫學會今晚舉行傳媒晚宴,多位會董同醫生都有出席。副會長陳以誠上台講嘢時,話佢喉嚨生痱滋,講句嘢都辛苦過人,但係見到咁多傳媒好開心,所以「忍痛」即席高歌幾曲。

有見近日天氣轉涼,陳醫生首先唱首《超級流感》,「怎樣可以預防流行性感冒」,由於太即興,現場預備唔切音樂,佢唯有清唱,仲叫大家一齊拍手打拍子㖭,完全無受設備影響。唱完第一首後,陳醫生好似開咗聲咁,即刻唱埋《八千步》,呼籲大家日日運動,身體先會好,最後仲唱埋《第二生命》呼籲大家支持器官捐贈,不過佢唱咗兩句就停咗喇,因為唔記得歌詞,叫大家上YouTube搵就有得聽返,唔使傷心。

其他報道:再有11人低溫症送院 料明日最低12度 氣溫周五始回升

其他報道:天寒地凍飲酒可保暖? 醫生:反加快散熱失溫

相關字詞﹕醫學會 兒歌 流行性感冒 流感 八千步 第二生命 陳以誠 兒歌醫生 醫療

上 / 下一篇新聞