港聞

【短片+多圖:Emily Online】林太工展會買麵買臘味 準備煲仔飯宴議員 (13:12)

特首林鄭月娥噚晚完成北京述職行程,搭凌晨機趕番香港出席今朝嘅工展會開幕。林太今朝喺多個攤檔買咗5550蚊嘢,包括蝦子麵同臘味。原來林太買臘味,係打算喺禮賓府宴請立法會議員時,整煲仔飯喎。

其他報道:林鄭:修訂議規無可厚非 盼立會回復理性和平

除林太之外,外交部駐港特派員謝鋒、中聯辦副主任譚鐵牛、廠商會會長李秀恒同埋多名司局長齊齊出席工展會開幕禮。林太話,好高興可以趕及參加工展會開幕,又話今年經濟整體向好,預祝展商多做生意,為人帶來歡樂。

林太今朝喺工展會收穫豐富,佢話買咗5550幾蚊,包括蝦子麵送畀天主教會修女。「張榮記」嘅店員同番Emily講,林太買咗十幾盒乾麵禮盒,同埋6包蝦子麵,林太同店員講,自己鍾意食麵,同時亦想支持下本地小店。

林太仲買咗金華火腿、臘腸、鴨腿等臘味,話之後可以喺禮賓府宴請立法會議員食煲仔飯。林太仲向謝鋒、譚鐵牛介紹「榮華餅家」係本地品牌,兩名官員都買咗老婆餅等。

其他報道:黨報頭條報習見林鄭 署名文章稱積極評價管治團隊含義深

其他報道:習近平晤林鄭提十九大宣講團 劉兆佳:提醒港人「不得不尊重」中共

其他報道:元朗出現猥褻露體狂 警拘尼泊爾籍男子

相關字詞﹕林鄭月娥 工展會 蝦子麵 臘味 編輯推介

上 / 下一篇新聞