港聞

下一篇
上一篇

【emily online】政治書在韓國出版 蔡子強:發夢也沒有想過得非華語出版社認同 (16:44)

中文大學政治與行政學系高級講師蔡子強出書唔出奇啦,但佢本《大人們的餐桌》揚威海外,獲韓國出版商垂青,韓版新書已經在11月面世喇。

其他報道:新田邊境購物城已收入伙紙 料農曆新年前試業

蔡子話佢發夢也沒有想過,寫政治領袖書籍竟獲非華語出版社認同,今次真係多得台灣嘅時報出版社。佢話,去年佢寫史上不同領袖飲食習慣與政治間微妙關係文章,再集結成書,喺台灣找到時報出版社出版,一圓佢海峽兩岸三地都出過書心願。但時報出版社不單幫佢出書,仲幫佢開拓海外市場,成功喺韓國搶灘。

韓版新書印刷十分精美,封面字體鍍上赤金,搶眼得來又優雅,內文每篇文章都找來有關歷史人物嘅照片或畫像,睇到編輯上花過不少心思。但蔡子自己完全唔識韓文,所以唔知本書翻譯成點、有否錯處,更遑論親自校對。後來得知,幫佢翻譯嘅李和珍,畢業於韓國淑明女子大學中文系,更喺梨花女子大學獲得翻譯碩士學位,畢業後又曾經派駐中國,喺首爾市政府駐北京辦事處工作過,2008年起至今韓國的翻譯機構任專業翻譯,已經譯有20多部作品,蔡子可以放心啦!

其他報道:梁美芬:立法會要配得起優質香港 批拉布不環保

其他報道:立會示威區加裝1米高鋼板

相關字詞﹕中文大學 政治與行政學系 蔡子強 大人們的餐桌

上 / 下一篇新聞