港聞

下一篇
上一篇

【Emily Online】孖阿哥為機構籌款由68樓游繩落地 楊哲安話全家都係外展發燒友 (22:27)

香港外展訓練學校星期六喺太古港島東中心商廈,舉行「香港千呎游繩下降大挑戰」,由68樓頂樓游繩至地面,為機構籌款,共有35人接受挑戰。自由黨區議員楊哲安(Jeremy)及哥哥楊哲寧,聯同朋友一齊參加做善事。Jeremy話,楊家全部都係外展成員,連太太張燊悅嫁入楊門後,都要去參加3日2夜嘅外展野外訓練。

講返今次游繩下降大挑戰活動,參加者要喺68樓用游繩下滑地面,Jeremy話參加前者簽「生死狀」及買保險,主辦單位之前安排咗幾個鐘游繩訓練畀參加者。佢話本來諗住唔會驚,點知喺大廈頂層扣繩做準備時,望落樓下見到麻鷹飛過,頓時個心離一離。佢都唔諗咁多,一於向下衝,去到36樓中途站停頓換游繩時,再向下望,見到車輛好微小,嗰時個心再驚一驚!不過,佢都唔諗太多,一於勇往直前,大概用咗十分鐘就由頂樓抵達地面。

Jeremy話,楊家都係外展訓練支持者,爸爸楊孝華玩過,爸爸喺佢7歲及哥哥9歲時,已送佢兩兄弟去參加外展,天寒地凍要野外受訓,又要跳入大海考驗膽量。佢大個之後,都有返外展學校幫手做義工。受楊家感染,Jeremy太太嫁入楊門後都去參加訓練。Jeremy話,等到幾個囡囡年歲一夠,即會送佢哋受訓。Jeremy話參加外展,唔單止係鍛練身體,仲可以訓練EQ、AQ,學習團體生活。

其他報道:【修改議規】王國興:讓主席能夠執法 楊岳橋批權力過大

其他報道:【多圖】深水埗警署同樂日 展示銳武裝甲車、遙控拆彈機械人

其他報道:研究指日做45分鐘中等運動助防癌  邊種最有效?

相關字詞﹕外展 游繩

上 / 下一篇新聞