港聞

下一篇
上一篇

【Emily online】羅致光病到失聲 政助馮興禮臨時拉伕幫手致辭 (21:27)

呢個冬天時冷時熱,唔少人病咗,連勞工及福利局長羅致光都「打敗仗」搞到失聲。原本今日佢要喺一個慶祝聖誕嘅活動上致辭,最後唯有由佢嘅政治助理馮興禮臨時拉伕,上台代佢致辭。

好多人都知道政治助理其中一個職責,係要幫局長寫講辭,而上台致辭就較為少見,因為平時都有副局長頂上。馮興禮都話今次係自己嘅第一次,又相信局長好快會好返。

馮興禮致辭時提到,建立關愛社會任務十分重大,極需要市民、民間團體和政府並肩攜手,先可以朝着呢個目標進發。佢又提到,今年《施政報告》特別強調特區政府,將會繼續加強扶貧助弱支援,透過提升攜手扶弱基金、兒童發展基金、社區投資共享基金等民官商三方合作的政策,連繫社會不同人士,一起扶助弱勢社群。佢又預祝各位聖誕快樂! 

其他報道:大棠紅葉「開始紅」 漁護署提醒「自己垃圾自己帶走」

其他報道:大聯盟倡三招解決新東交通 建沙田繞道及海隧、公共運輸優先

其他報道:【暴動罪審訊】黃台仰及另一被告缺席預審 法庭發拘捕令

相關字詞﹕編輯推介 馮興禮 羅致光 失聲

上 / 下一篇新聞