港聞

下一篇
上一篇

【Emily Online】大棠紅葉「開始紅」 漁護署提醒「自己垃圾自己帶走」 (16:36)

元朗大棠每年秋冬季節都是觀賞紅葉熱點,漁護署噚日更新咗「紅葉指數」,話嗰度嘅紅葉開始轉紅,有興趣睇紅葉嘅市民要把握機會喇。

其他報道:大聯盟倡三招解決新東交通 建沙田繞道及海隧、公共運輸優先

往年,位於大欖郊野公園嘅楓香林都吸引唔少市民前往影紅葉。漁護署網站嘅紅葉情報噚日有更新,話大欖郊野公園大棠山道嘅紅葉指數,係「開始紅」。市民喺元朗搭K66號巴士或紅色小巴,由大棠山道路口巴士站沿車路步行上山約60分鐘,就到達楓香林賞紅葉喇。

據漁護署紅葉情報,紅葉指數分為「綠」、「黃」、「開始紅」、「極紅」,而喺大欖郊野公園大棠山道可欣賞到嘅紅葉品種有楓香、大頭茶及紅花荷。

漁護署提醒市民,唔好採摘或踐踏植物,以及要保持郊野公園清潔,「自己垃圾自己帶走」。

其他報道:【暴動罪審訊】黃台仰及另一被告缺席預審 法庭發拘捕令

其他報道:眾志稱初選支持姚松炎郭永健

其他報道:【康宏風暴】王利民FB上載暗箭黑衣照:苦中作樂,唯一強項

相關字詞﹕大欖郊野公園 紅葉 大棠 編輯推介 紅葉指數

上 / 下一篇新聞